आज मिति २०८३/०५/०६ गते कोशी प्रदेश सरकारका माननीय स्वास्थ्य मन्त्री इन्द्रमणि पराजुलीज्यूलाई स्वास्थ्य कार्यालय तेह्रथुममा स्वागत तथा मन्त्रीज्यूसँग अन्तरक्रिया कार्यक्रम।

Government of Nepal

आज मिति २०८३/०५/०६ गते कोशी प्रदेश सरकारका माननीय स्वास्थ्य मन्त्री श्री इन्द्रमणि पराजुलीज्यूको स्वास्थ्य कार्यालय तेह्रथुममा स्वागत तथा कार्यालयका समसामयिक विषयहरूमा अन्तरक्रिया कार्यक्रम सम्पन्न भयो। कार्यक्रमको अध्यक्षता जिल्ला समन्वय समिति, तेह्रथुमका प्रमुख श्री गुमानसिंह इस्बोज्यूले गर्नुभएको थियो।

कार्यक्रममा माननीय स्वास्थ्य मन्त्रीज्यूको उपस्थितिमा स्वास्थ्य कार्यालय तथा जिल्लाको समग्र स्वास्थ्य क्षेत्रसँग सम्बन्धित उपलब्धि, प्रगति, समस्या, चुनौती तथा आगामी कार्यदिशाका विषयमा विस्तृत छलफल तथा अन्तरक्रिया गरियो।

अन्तरक्रियाका क्रममा जिल्लामा स्वास्थ्य सेवा प्रवाहलाई प्रभावकारी बनाउन स्वास्थ्य कार्यालय तथा मातहतका स्वास्थ्य संस्थाहरूबाट भइरहेका कार्यहरू, हालसम्म हासिल भएका प्रमुख उपलब्धिहरू तथा समुदायस्तरमा सञ्चालन भइरहेका विभिन्न स्वास्थ्य कार्यक्रमहरूको प्रगति प्रस्तुत गरिएको थियो। साथै, स्वास्थ्य क्षेत्रमा देखिएका विद्यमान समस्या, आवश्यक स्रोत–साधन, जनशक्ति व्यवस्थापन, स्वास्थ्य सेवाको पहुँच तथा गुणस्तर अभिवृद्धि, कार्यक्रम कार्यान्वयनका चुनौती तथा आगामी दिनमा गर्नुपर्ने सुधारका विषयहरू समेत माननीय मन्त्रीज्यूसमक्ष प्रस्तुत गरियो।